Organs de govèrn
Eth Conselh Rector
Eth Conselh Rector ei eth maximau organ de govèrn deth Consòrci Catalonha Internacionau e ei integrat pes membres següenti:
- Era Presidéncia, que correspon ara persona titulara dera Presidéncia dera Generalitat de Catalonha.
- Era Vicepresidéncia, que correspon ara persona titulara deth departament competent en encastre dera accion exteriora dera Administracion dera Generalitat de Catalonha.
- Es vocalies, que se designen entre es membres consorciadi dera manèra següenta:
- Cinc vocaus en representacion dera Administracion dera Generalitat de Catalonha, des quaus un ei era persona titulara deth secretariat sectoriau competent en encastre dera accion exteriora dera Administracion dera Generalitat de Catalonha e es auti quate son nomentadi pera persona titulara deth departament competent en encastre dera accion exteriora, un per iniciativa deth madeish titular deth departament competent en encastre dera accion exteriora e, es auti tres, un a prepausa dera persona titulara deth departament competent en encastre dera enterpresa, un aute a prepausa deth titular deth departament competent en encastre dera cultura e un aute a prepausa deth titular deth departament competent en encastre dera recèrca e es universitats.
- Ua vocalia entà cadua des autes entitats publiques e privades consorciades. Es entitats consorciades pòden acordar qu'era sua representacion sigue assumida pera persona qu'agís en representacion d'ua o de mès d'ua des entitats consorciades.
Era Presidéncia
Era Presidéncia deth Consòrci correspon ara persona titulara dera Presidéncia dera Generalitat de Catalonha.
Eth Conselh Executiu
Eth Conselh Executiu ei er organ permanent d'administracion e gestion deth Consòrci. A era composicion següenta::
a) Era Presidéncia, que correspon ara persona qu'ocupe era Vicepresidéncia deth Conselh Rector.
b) Es vocalies, que son exercides per persones designades coma vocaus deth Conselh Rector, d'acòrd damb era composicion següenta:
- Dues persones en representacion dera Generalitat de Catalonha, des quaus ua ei era persona titulara deth secretariat sectoriau competent en encastre dera accion exteriora dera Administracion dera Generalitat de Catalonha.
- Dues persones en representacion des administracions locaus e es entitats municipalistes.
- Dues persones en representacion des universitats, des instituts universitaris de recèrca e des escòles de negòcis.
- Dues persones en representacion des sectors economics, sindicau, empresariau e sociau.
Es vocalies les ocuparàn es persones designades pes entitats consorciades de cadun des sectors representadi.
Direccion Generau
Era persona titulara dera Direccion Generau la nomente eth Conselh Rector a prepausa dera Presidéncia prealable concors public, entà un periòde de quate ans renauibles. Era actuau directora generau de Catalonha Internacionau ei Laura Foraster i Lloret.
Organigrama
Contacte generau: info@catinternacional.cat
Contacte de premsa: press(ELIMINAR)@catinternacional.cat
Darrèra actualizacion: 12/12/2024